خذلنــــــــــــــي

أبيآآت شعر عجبتني وحبيت انقلهآ لكم

خــذلـنـــي !!!!

دخيـل الله ياقلبـي أنـا طالـبـك تعفيـنـي
أنـا طالبـك تنسانـي ولـو مـره تخلينـي
أعيش بدنيتي وأهنا مثل باقي البشـر سالـي
بدون الحب ياقلبـي وبـدون همـوم تكوينـي
أنا ماعـاد فينـي روح تبيهـا تتبعـك ثانـي
أنا فيني جسد باقي بـدون شعـور يحوينـي
على كثر القلوب اللي هوينا ماصـدق واحـد
ياقلبي ابتعد عنهم ترى اللـي فينـي كافينـي
زرعت الحب فأعماقي وحصدت جروح تاليها؟؟
وردى هالحظ خاواني ولقى كل مايبـي فينـي
كثير أحباب حبينا وعطيناهـم بـدون حسـاب
ولاخذنا سوى غـدر ٍ مـلا راحـات كفينـي
وكثير أسباب تجبرنـا بـلا حسوفـه نخليهـم
لأن والله مافيهـم ولاواحـد مــلا عيـنـي
ولكن أكبر الصدمات جتني مـن يديـن اللـي
حسبته غير كـل النـاس ومايعنيـه يعنينـي
هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي
عطيته من دفا روحي قصايـد أشعلـت ليلـه
وأنا ماأكتب لغيره ولا كـل شخـص يغرينـي
كتبت أحلى كلام الحب فـي عينـه ولافكـرت
يجي اليوم اللي أستخسر قصيدي في محبينـي
خذلني للأسف والله وهدم كـل مابنـا بلحظـه
وطلع هالحب مايسوى مواطي تراب رجلينـي
على مبدا (الخصوصيه) يحاول يبعد شكوكـي
وعلى مبدا الصراحه كنت وكانت لعبته فينـي
أنا كنت أحسبـه أعظـم علاقاتـي ولاظنيـت
بأن أعظم علاقاتـي بخيانـة حـب تنهينـي
ويمّي صاحبـي دايـم يذكّرنـي بوَهَـمْ حبـي
وأقول ارتاح ياعمي ترى الله عنْـك مغنينـي
خسرت أصحاب من حولي خسرت الكل بأسبابه
ألا حسبـي عليـه الله كثـر ماهـو معنّينـي
أفا ياقلبي الطيـب.. أفـا وشلـون ترضاهـا
وأنا من صدمة ٍ بالحب إلى صدمـه تودينـي
بدون عناد اسمعني ولاتفتح لـي الموضـوع
حشا لو تفتحه ثاني لأشيلـك مـن شرايينـي
خلاص الحين انساهم وأنا ماعاد فينـي حيـل
لهم رب ٍ يجازيهم... ولـي رب ٍ يجازينـي!!

وسلاااامتكـ

،

،،،،

روعه القصيده يسلمو فيصل

دمت ودااام يراعك

،،،،

،،

،

الاروع مرورك

والعفووووو