إعتذاري ..........

موضوع: إعتذاري .......... السبت 01 مارس 2008, 9:33 am

حبيبي .. لا تواخذني تراني ناسي كتابي
وآسف .. ماحفظت اللي كتبته أمس بكتابك
تبيني أمدح حضورك وأبدا قبل تبدا بي
وانا لا من بديت أحكي تراني ما أبدا إلا بك
يا أول من نقش اسمه في قلبي وأول أحبابي
مادام المدح في وجهك مذمه بامدح غيابك
تعال اسمع سوالف عطرك الباقي على ثيابي
تعال اسمعه يغتابك ويهتابك ويسخى بك
تعال وإسمع إش يحكي لثوبي وباب دولابي
عن اخر سالفه مابين ذوقك وآخر ثيابك

أبي أغيض برد الشتاء وانا بحضنك..
لامعطف يدفيني ولانار ولا حطب..!
أبي أتنفس الحب بخشوع
وابي علمه بعد ياليت فصله يطول ويطــول ويطــــــــــول
لجل أبقى في حضنك حبيبي طول الفصول..!

لحظه حبيبي وقف هناك بالدور..
مانيب فاضي يمكن افضى لك اشوي!!
لازم تذوق المر وتعيش مكسور..
واكويك من جمر الهوى لاغدى حي..
ولو بعتلي عمرك فلا قلت مشكور..
لانك بعيني صرت كلك ((ولاااا شي))!!

في غربة المشتاق تزداد الأشواق
أزود من أشواق الشقيق لشقيقه
والقلب يصبح من عنا البعد خفاق
وتزداد دقاته بزود الدقيقه
ودقات قلبي ظنتي دقها فاق
مليون دقه بين الثانيه والدقيقه

كل الخصال الطيبة فيك
يعجز عن وصفها حبر أقلامي
لاغبت عني أشغل البال طاريك
ويحرم على عيني لذيذ المنامي
بموازين الغلا إحترت وش اسميك؟؟
لا قلت : قلبي قالوا : عاشت الاسامي

تعال لحف عيوني
بليل عشت به لحظات ..
تعال سمعني سواليفك وهمساتك ..
تراك اللي تسافر بي عن أحزاني والآهات ..
تراك اللي تبعثرني وأنا اللي جامع اشتاتك ..
جدار الصمت يقتلني
ابيك تجدد الضحكات ..
تراك الوحيد اللي تزيل الهم ضحكاتك ..

في غيبتك تساقطت خضر الأوراق
ماقاومت غيبتك جرة عنادي ..!
ماكل من يبعد له القلب مشــــتاق
ولاكل من عود له القلب شـــادي..
إلا أنت في الثنتين محرقني إحـــراق..
إن غبت زاد الشوووووق
وإن جيت زااااادي

أموت بنظرتك واعشق سكون
الحرف بشفاتك..

أبي أصبر على بعدك..
ولكن كل شي ضدي..

ولا أقدر على بعدك..
خلاص بشوفتك ودي..

حبيبي كانك المخطي..
حضنت بروحي زلاتك..

اذا عندك عذر مقنع..
انا هاللحظه ماعندي سوى..

حب ملا صدري يفوق الحب
في ذاتك ...

طال الغياب وأنا أنتظر منك ميعاد
أخاف موتي حل ما شفت لك زول
أخاف من يوم تجي فيه نشاد
تلقى مماتي دار من حوله الحول
أنا أصارع موج الأيام بعناد
أطلب لقاك ومطلبي حيل مقتول

صرت أتشفق شوفتك يوم بالعام
من عقب منت عندي العام كله
وأصرخ على ماضي الهوى مثل الأيتام
ومثل الطفل لين فطم قبل حله
أحدن تمنى شوفته طول الأيام
وأحدن تشوفه ساعتين وتمله

حبيبي كل مافيني يذوب بملح همساتك
حبيبي كل أحاسيسي يعشقونك
حبيبي طالبك تكفى أبيك بكل لذاتك
أبي جنبك مثل ظلك
ولا أبي شي من دونك
ابا سهر في وسط عينك
واباشرب كاس نظراتك
والى منك بغيت النوم أبي أنام بعيونك
وأبي أصحى بكلمة صباح الخير بشفاتك
وأبي فنجال حبك والغلا .. تمده جفونك

أفكر في أيام عمري وما حصلي
هي رداة الحظ وإلا الخطا بإختياري
ينعصر قلبي ألم و يحترق كلي
يحتري رجوع القمر و هو عنه ساري
قلت : ببعد أدور على غيره يسلي
رافض القلب أجيب اليوم عنه طاري
من زود العذاب حافر قبري محلي
أموت بأسبابه و تموت معي أسراري
أطلبوه يجي على جثماني يصلي
و قدموا له وللدنيا خطاب إعتذاري

موضوع: رد: إعتذاري .......... السبت 01 مارس 2008, 7:56 pm

أبي أغيض برد الشتاء وانا بحضنك..
لامعطف يدفيني ولانار ولا حطب..!
أبي أتنفس الحب بخشوع
وابي علمه بعد ياليت فصله يطول ويطــول ويطــــــــــول
لجل أبقى في حضنك حبيبي طول الفصول..!

لا تعليــــــــــــــــــــــــــــــــــــــــــــــــــــق

،

،،،

منور فيصل

،،،،

،،

،