(( رويعيات )) هههه كم عمرك

تذكرون اول يوم تروشت فيه مو ذاك اليوم اليوم الي قبله <---- تسمع بالتشويق

(( رويعيات ))

قولي كم عمرك ؟ أقولك بلا كذب

السلام عليكم ورحمة الله وبركاته

الى متى الحريم يوقف عمرهم عند 39 ؟ كأن الزمن دق بريك

بهذي الفتره وحالفه يمين انها ما تدخل الاربعين

الى متى الشياب تقولهم كم عمرك ياعم ؟

يقولك توي لسى شباب حتى شوف سن العقل ماقلعته

المراهق تلقاه يكبر عمره ليه ؟ تبي تصير رجال ياحبيبي لاتستعجل كله بوقته حلوو .

اما فيه واحد من الشباب المراهقين اتذكر قبل سنتين عمره 14 سنه

فجأه كذا بدون مقدمات بعد سنتين

صار عمره 23 ياهووه يابشر يالي تعرفون

الحساب كيف تجي ؟! الله يخليكم

صاحبنا معقوله انه اخذ السنه بثلاث سنين والله لو انه

منزل بالسنه 16 شهر مايمديله عليها

ياحليلنا اول لما كنا صغار بأولى ابتدائي

اذا احد سألنا كم عمرك تقوله سبعه ونص <--- يقالك انه مكبر روحه

والرجال يرد عليه ماشاء الله يعني صرت رجال

طيب السؤال ليش الواحد يكذب بعمره ؟

انا اتوقع

انه مرض نفسي والواحد يحاول يحقق امنيته بالكذب

طيب وبعدين كذبت ايش استفدت ؟!

<--- تراي ماجربت

طيب ايش الحل ؟!

نحاول نوعي الاوادم ان كل واحد يعيش وقته ولا يحاول

ياخذ زمن غيره اذا انتي عمرك اربعين ترين

غيرك اعمارهن بالخمسين واذ انت ياعم عمرك ستين

وماشاء الله عليك تسمع ترى غيرك وصل لثمانين ومركب سماعات ومايشوف

واذا انت يابو اربعطعش لسى صغير والحريم مايتغطوون عنك

ترى ابو ثلاث وعشرين وده ان يوم واحد يرجع و الحريم مايتغطون عنه .

تحيتي لكم جميعا
منقوول

اشكرك

والشكر مايوفيك حقك